Warhammer 40,000: Space Marine II Nintendo Switch 2-ზე გამოვა

Warhammer 40,000: Space Marine II Nintendo Switch 2-ზე გამოვა. Focus Entertainment-ისა და Saber Interactive-ის განცხადებით, რელიზი 2026 წლის სადღესასწაულო პერიოდში იგეგმება.

თამაშში მოთამაშე ლეიტენანტ Titus-ის როლს ასრულებს და ტირანიდების უზარმაზარ არმიებს ებრძვის. კამპანიის გავლა შესაძლებელია როგორც მარტო, ისე სამმოთამაშიან კოოპერატიულ რეჟიმში. გამოცემა ასევე მოიცავს Operations-ის კოოპერატიულ მისიებსა და PvP რეჟიმებს.

დეველოპერებს ჯერ არ დაუკონკრეტებიათ Switch 2 ვერსიის გარჩევადობა, კადრების სიხშირე და ის, თუ რომელი დამატებითი მასალა შევა საწყის პაკეტში.

Space Marine II ამჟამად ხელმისაწვდომია PlayStation 5-ზე, Xbox Series X|S-სა და PC-ზე.