Westlanders — ველური დასავლეთის survival თამაში Early Access-ში 2027 წელს გამოვა

გამომცემელმა Toplitz Productions-მა და დეველოპერმა A2 Softworks-მა Westlanders-ის გამოსვლის გეგმები გაამხილეს. ველური დასავლეთის თემატიკის თამაში PC-ზე Steam Early Access-ის ფორმატში 2027 წლის დასაწყისში გამოვა.

Westlanders ღია სამყაროს survival-ს, რესურსების მოპოვებას, ნივთების შექმნას, მშენებლობასა და დასახლების მართვას აერთიანებს. მოთამაშეს საკუთარი ფერმისა და დასახლების განვითარება, ვაჭრობა, გარემოს კვლევა და სხვადასხვა საფრთხესთან გამკლავება მოუწევს.

სამყაროში ამინდი და სეზონები შეიცვლება, რაც მოსავალზე, რესურსებსა და გადარჩენის პირობებზე გავლენას მოახდენს. შესაძლებელი იქნება ცხენით მოგზაურობა, სხვა პერსონაჟების დასახლებაში მიწვევა და ეკონომიკური ქსელის შექმნა.

სრული ვერსიის გამოსვლის შემდეგ თამაში PlayStation 5-სა და Xbox Series X|S-ზეც გახდება ხელმისაწვდომი. კონსოლური რელიზის თარიღი მოგვიანებით გამოცხადდება.