Gothic Remake-მა ერთ კვირაში 500 000-ზე მეტი ასლი გაყიდა

THQ Nordic-ისა და Alkimia Interactive-ის განცხადებით, Gothic Remake-ის გაყიდვებმა 500 000 ერთეულს გადააჭარბა. თამაშმა ეს შედეგი 5 ივნისის რელიზიდან ერთ კვირაში დააფიქსირა.

7 ივნისს Steam-ზე ერთდროულ მოთამაშეთა რაოდენობამ თითქმის 78 000-ს მიაღწია. პლატფორმაზე უკვე გამოქვეყნებულია 15 000-ზე მეტი მომხმარებლის შეფასება და მათი 85 პროცენტი დადებითია.

დეველოპერებმა მოთამაშეებსა და სერიის მრავალწლიან გულშემატკივრებს მხარდაჭერისთვის მადლობა გადაუხადეს. სტუდია რიმეიქის ტექნიკურ გაუმჯობესებასა და განახლებებზე მუშაობას მომდევნო კვირებსა და თვეებში გააგრძელებს.

Gothic Remake ხელმისაწვდომია PlayStation 5-ზე, Xbox Series X|S-სა და PC-ზე.