Ghost of Yōtei „დიდი მოლოდინი“ — რელიზი, როგორც დაგეგმილი იყო, ოქტომბერში შედგება

დეველოპერულმა სტუდია Sucker Punch Productions-მა სასიხარულო ამბავი გამოაცხადა: Ghost of Tsushima-ს დიდი ხნის ნანატრი სიქველი, Ghost of Yōtei, „გაოქროვდა“. ეს ნიშნავს, რომ თამაშის მასტერ-დისკი უკვე მზადაა, ჩაწერილია და გაგზავნილია ტირაჟირებისთვის.

„გაოქროვების“ სტატუსი ინდუსტრიაში აღნიშნავს, რომ თამაშის ძირითადი ვერსიის შემუშავება სრულად დასრულებულია. ახლა დეველოპერები, როგორც წესი, მუშაობას პირველი დღის პატჩზე (Day One Patch) იწყებენ, რომელიც რელიზამდე აღმოჩენილ მცირე ხარვეზებსა და დამატებით ოპტიმიზაციებს მოიცავს.

შესაბამისად, თამაშის გადადება მოსალოდნელი არ არის და ის დაგეგმილ დროს, 2025 წლის 17 ოქტომბერს გამოვა ექსკლუზიურად PlayStation 5-ისთვის.

შეგახსენებთ, რომ Ghost of Yōtei მოქმედებას ცუსიმას კუნძულიდან იაპონიის მთავარ მიწაზე გადაიტანს და ახალი პროტაგონისტის ისტორიას მოგვითხრობს. თამაში გვპირდება კიდევ უფრო მასშტაბურ და დეტალურ ღია სამყაროს, განვითარებულ საბრძოლო სისტემას და ღრმა სიუჟეტს, რომელიც Sucker Punch-ის წინა ნამუშევრების ტრადიციებს აგრძელებს.