Fallout-ის, Mad Max-ისა და Atomic Heart-ის ატმოსფერო: ექშენმა War Mechanic-მა გეიმპლეი ტრეილერი მიიღო

სტუდია Trident-მა გამოაქვეყნა თავისი ახალი პროექტის, პოსტ-აპოკალიპტური ექშენის War Mechanic-ის, პირველი გეიმპლეი ტრეილერი. ვიდეორგოლი ნათლად გვიჩვენებს თამაშის შთაგონების მთავარ წყაროებს და ის ნამდვილად მოეწონებათ ისეთი პროექტების ფანებს, როგორიცაა Fallout, Mad Max და Atomic Heart.

ტრეილერის მიხედვით, მოთამაშეებს ელით მესამე პირის ხედვის ექშენი, სადაც დიდი როლი ენიჭება როგორც ფეხით ბრძოლას, ისე მოდიფიცირებული ავტომობილით გადაადგილებასა და შეტაკებებს. სამყარო წარმოადგენს უდაბურ, განადგურებულ ლანდშაფტს, რომელიც სავსეა საბჭოთა ეპოქის რეტრო-ფუტურისტული სტილის ნანგრევებით, მუტანტებითა და მტრულად განწყობილი რობოტებით.

თამაშის სახელწოდება, War Mechanic („ომის მექანიკოსი“), მიუთითებს, რომ კრაფტინგს, საკუთარი მანქანისა და ხელნაკეთი იარაღის გაუმჯობესებასა და შეკეთებას ცენტრალური ადგილი ეკავება გეიმპლეიში. ნაჩვენები კადრებიდან ჩანს, რომ მოთამაშეს შეეძლება, თავისი ავტომობილი ნამდვილ საბრძოლო ციხესიმაგრედ აქციოს, რაც Mad Max-ის საკულტო Magnum Opus-ს მოგაგონებთ.

War Mechanic-ის გამოსვლის თარიღი ჯერჯერობით უცნობია. ამ ეტაპზე პროექტი დაანონსებულია PC-სთვის და მისი დამატება Steam-ის სურვილების სიაში (Wishlist) უკვე შესაძლებელია.