BeamNG.drive PS5-ზე გამოდის, PC ვერსია კი დიდ გრაფიკულ განახლებას მიიღებს

BeamNG.drive, რომელიც წლებია PC-ზე Early Access-შია, 2026 წელს PlayStation 5-ზეც გამოვა. თამაშის მთავარი ხიბლი რეალისტური soft-body ფიზიკაა, სადაც მანქანის თითოეული ნაწილი რეალურ დროში რეაგირებს შეჯახებებზე და დატვირთვაზე.

PC ვერსიისთვის მზადდება 0.39 განახლებაც. მასში შედის Direct3D 12 renderer, HDR მხარდაჭერა, ახალი tonemapper, გაუმჯობესებული ცა/ატმოსფერო, განათება, ჩრდილები და ზედაპირების დეტალიზაცია.

დეველოპერები ასევე ამბობენ, რომ განახლება RAM-ისა და VRAM-ის გამოყენებას უფრო ეფექტურს გახდის, რაც განსაკუთრებით მნიშვნელოვანია მაშინ, როცა PC კომპონენტების ფასები მაღალია.

ფიზიკის ნაწილშიც იგეგმება ცვლილებები: aerodynamics გაფართოვდება slipstreaming-ით, side drafting-ით და bump drafting-ით, რაც რბოლებს უფრო ტაქტიკურს გახდის. ოფიციალური multiplayer-იც დადასტურებულია, თუმცა ჯერ მზად არ არის.