The Witcher 3: Songs of the Past დიდი expansion იქნება და 2027 წელს გამოვა

The Witcher 3: Wild Hunt ახალ დიდ დამატებას მიიღებს. Songs of the Past 2027 წელს გამოვა PlayStation 5-ზე, Xbox Series-ზე და PC-ზე, ხოლო ძველი თაობის კონსოლები ამჯერად სიაში არ არის.

CD Projekt RED ხაზს უსვამს, რომ ეს პატარა DLC არ იქნება. სტუდიის განმარტებით, პროექტი სრული expansion-ის ფორმატში მზადდება და მასში კვლავ Geralt of Rivia დაბრუნდება.

დამატებაზე CD Projekt RED Fool’s Theory-სთან ერთად მუშაობს. ეს სტუდია Witcher-ის სამყაროსთან უკვე ახლოს დგას და The Witcher-ის პირველ ნაწილზე remake-საც ამზადებს.

PC მოთამაშეებისთვის მნიშვნელოვანი დეტალია ისიც, რომ ახალი კონტენტის გამოშვებამდე თამაშის სისტემური მოთხოვნები განახლდება. მიზანი თანამედროვე სისტემებზე უფრო სტაბილური შესრულება და მხარდაჭერაა.